Liwat nga nagapanawagan ang Department of Health (DOH) nga ipatuman ang 4-S kontra dengue.
Ini bangud sa pagsulod na sang panahon sang tag-ulan nga nagbunga naman sang mataas nga numero sang napatay sa dengue.
Sa January to June 2 nga data may 19 na nga napatay sa bug-os nga rehiyon bangud sa dengue.
Sa bahin sang syudad sang Iloilo manubo pa ang kaso nga may 90 lamang ka confirmed cases kag wala pa sang napatay.
Subong man ginsiling ni DOH 6 Medical Officer Dr. Rose Marie Lamirez nga importante nga mapatna ini antes nga magtaas ang cases.
Dapat lang nga ipatuman ang 4S nga amo ang Search & destroy sang breeding places sang lamok; maggamit sang Self-protection; Seek early consultation para sa hilanat nga nagalawig sang masobra duha ka adlaw kag Say No to indiscriminate fogging.
Photo from web
