DOH, pinag-iingat ang publiko sa mga sakit na nakukuha ngayong amihan season

Manila, Philippines – Pinag-iingat ng Department of Health (DOH) ang publiko sa mga sakit na maaring makuha ngayong malamig ang panahon.

Ayon kay DOH Undersecretary Rolando Enrique Domingo – uso ngayong amihan season ang ubo at sipon.

Laganap din ang flu at iba pang respiratory infections.

Payo ni Domingo – ang mainam na paraan para maiwasan ang mga nabanggit na sakit ay good personal hygiene.

Ugaliin ding magsuot ng tamang pananamit tuwing malamig ang panahon at kumain ng masustansyang pagkain.