Subay niini, nagpahinumdom ang Department of Health (DOH) sa publiko nga likayan ang overeating o ang sobra nga pagkaon karong holiday season.
Sa pakighinabi sa DXDC RMN Davao kang nurse AC Comidoy gikan sa usa ka pribadong ospital sa Tagum City, siya miingon nga dili kalimtan ang diet restrictions ug dili ibutang sa risgo ang lawas.
Gibutyag niya nga ang pagpatuyang og kaon ilabi na ang sobra nga mga tam-is, parat ug mantikaon posible na hinuong makahatag og sakit sama sa cardiovascular disease ug diabetes.
Pahinumdom ni Comidoy nga responsibilidad sa matag usa nga ampingan ang kaugalingon ug siguradohong anaa ang tanan sa maayong kondisyon bisan pa man og wala tuo ang kaon.
Hinuon, pwede rang mukaon sa mga handa apan angayan gihapong musunod sa saktong meal plan ug alang sa mga adunay maintenance, dili kini kalimtan sa pagtumar.
Dugang pa nga dili usab magpalabi og inom sa mga ilimnong makahubog tungod giingong usa kini sa hinay-hinay makapatay sa lawas sa tawo.
