DOH region 6 may partida man sa Sinovac vaccine apang wala pa napat-od kun san-o maabot

12

BACOLOD CITY- Indi pa mapat-od sang Department of Health (DOH) Region 6 kon san-o maabot ang Sinovac vaccine nga gin-donate sang China.Sa interview sang DYHB kay Dr. Mary Jane Juanico, head sang Infectious Diseases Cluster sang DOH-6, gin-confirm sini nga may partida ang rehiyon sa 600,000 doses nga gin-donate sang China apang indi niya mapat-od kon pila ang para sa Western Visayas.

Samtang ginapasalig ni Juanico nga ang tanan nga bakuna nga gin-aprubahan sang gobyerno ang gintun-an sang mga eksperto antes ginpahanugutan nga makasulod sa Pilipinas. Suno kay Juanico, mas maayo na lang nga magpa-inject sang bakuna nga manubo ang efficacy rate sangsa wala na gid.


Ang Sinovac suno kay Dr. Juanico, ang makapugong sang 50 porsyento sang mga health workers nga indi malatnan sang mild case sang coronavirus, kag 100% naman nga mag-angkon sang severe case kag makatapna man sang hospitalization. Nagalaom man ang doktor, nga karon may yara na sang bakuna, mangin maayo ang response sang pumuluyo bangod ini man ang ginhulat sumugod sang nagluntad ang COVID-19 pandemic.

[image: image.png]

Facebook Comments