Sumala sa DOH, pipila sa mga angay buhaton og mapaakan og bitin mao ang magpabiling kalmado aron dayung makapangayo’g tabang. Ikaduha, magbutang og “splint” o panglapat sa napaakang bahin sa lawas aron dili kini matandog, ug ikatulo, dalion og dala ang biktima sa balay tambalanan.
Dugang niini, likayan usab ang paghikot ug pagdapat og mga dahon-dahong tambal ug paghilot ug paghiwa sa samdang bahin. Dili hilabtan ang ‘la’ nga naggikan sa bitin ug dili angay dalaon sa albularyo ang biktima.
Aron malikayan nga mapuy-an ang balay ug palibot og mga mananap, angay i-mintinar ang kahinluan sa palibot, di magpatakag gunit ug dakop og mga halas, likayan ang pagkalkal sa mga dapit nga posibleng ilang puy-anan, ug likayan ang maglatagaw sa mga hipi nga dapit og walay igo ug saktong safety gear.
Kahinumduman nga dunay nakabsan og kinabuhi human napaakan og banakon sa Davao Occidental diin sa pagpanubay sa DXDC RMN Davao, giila ang biktimang si Renante Maligon, 42 anyos, ug lumulupyo sa Brgy. San Pedro, Sta. Maria kinsa gipahit sa bitin ug wa na natabang pa.
Ivy Parido, BACOMM-Davao del Norte State College Intern
