Pagadian City –
ARON masiguro nga mas mominus pa ang kaso sa mabuthan karon nga nagkaduol ang Pasko ug bag-ong tuig, ang Department of Health (DOH) milusad sa kampanya” OPLAN: Iwas Paputok, Fireworks Display ang Patok! Makiisa sa Fireworks Display sa Inyong Lugar”.
Sa ilang datus, niadtong Disyembre 19, 2016 ngadto sa Enero 5 rong tuiga, adunay natala nga duha ka indibidwal ang nabuthan Zamboanga del Sur. Mas ubos kini kun itandi sa milabay nga tulo ka tuig diin nikunhod ang gidaghanon sa mga nabuthan.
Kini tungod sa padayon nga kompanya sa ilang ahensiya lakip na ang pagpahibalo sa publiko ang risgo sa pagpabuto sa kapaskohan ug pagsugat sa bag-ong tuig.
Sumala ni Crystal Jean Intal sa DOH 9 Health Education Promotion Officer , makatabang usab sa pagkunhod sa ihap sa mga mabiktima sa pabuto ang executive order 28 nga gipirmahan ni pamuno nasud Rodrigo Duterte.
Ang kagamhanan midasig sa pagmaya sa kasaulogan gamit ang luwas nga butang sama sa turutot ug uban pa.
