Davao City – Gialerto karon sa Department of Health (DOH) ang publiko batok leptospirosis human nakatala na og upat (4) ka patay dinhi sa Davao Region tungod sa maong sakit.
Matud ni Dr. Gerna Manatad, DOH-XI Assistant Regional Director, sa 4 ka casualties, duha (2) niini gikan sa Davao del Norte, usa sa Davao Occidental ug usa sa syudad sa Davao.
Sa datus sa DOH-XI, anaa sa 25 ka kaso sa leptospirosis ang natala sa rehiyon gikan Enero 1 hangtud Abril 2, 2022, diin 18 niini gikan sa Davao City, 4 sa Davao del Norte, 2 sa Davao de Oro, ug 1 sa Davao Occidental. Samtang, nagpabiling walay kaso sa leptospirosis ang Davao del Sur ug Davao Oriental.
Gipalikay karon ang publiko sa pagtunob sa tubig baha ilabina kadtong adunay samad, diin kini sagad maoy gigikanan sa sakit tungod sa hugaw nga tubig nunot sa nasinatiang mga pag-ulan.
RadyoMaN Kirby Manzon
Facebook Comments
