Davao City- Giawhag sa Department of Health Region XI ang tanang mga barangay chairman nga tabangan ang tagsa-tagsa nila ka mga Local Government Units sa COVID-19 vaccination roll-out.
Sumala ni Dra. Annabelle Yumang, DOH XI Regional Director, kini aron hapsay ang dagan sa inoculation ug dili magsamok sa mga vaccination areas.
Gibutyag ni Yumang, mas nasayod ang matag barangays sa ilahang mga constituents ug kinahanglang maprayoridad usab ang mga A2 (senior citizens) ug A3 (mga adunay comorbidities).
“Dako kaayo’g role ang atong mga barangay officials kay sa level pa lang nila dapat nalista na niya kung kinsa gyod ang dapat mapabakunahan,” sumala ni Yumang.
Gisulti ni Yumang, aron malikayan ang mass gathering, tumanon ang scheduling ug palig-onon sa matag LGUs ang ilahang mga stratehiya diha sa pagkontrola sa walk-ins sa mga vaccination sites.
RadyoMaN Aimee Guinita
