Davao City – Nagpabiling zero case ang Davao Region sa 2019 novel coronavirus acute respiratory disease.
Sa media briefing karong hapon gitataw ni DOH XI Regional Director Dr. Annabelle Yumang adunay usa ka person under investigation ug walo ka mga person under monitoring ang rehiyon onse.
Matud niini nga na-discharge na ang Person under investigation karon ug ginahulat pa gihapon ang resulta sa gisumiteng sample gikan sa maong pasyente.
Samtang ang walo ka mga Persons under monitoring gitutukan usab sa City Epidemiology Surveillance unit.
Gimanduan sa Civil Aviation Authority of the Philippines kun CAAP Davao ang mga personahe sa airport nga mag-sol-ob og mask.
Matud ni Rex Obcena CAAP Davao Airport Manager sa interbyu sa RMN Davao subay kini sa hugot nga measures nga ilahang iimplementar batok 2019 novel coronavirus.
RadyoMaN Aimee Guinita
