Matud ni Dr. Janis Olavides, DOH-XI Vaccination Team Head (sa interbyu sa city-owned radio), hugot nga gina-monitor sa DOH ang mga kaso sa COVID-19 ilabina ang mga indibidwal nga gibakunahan aron maprotektahan gikan sa makatakod nga virus.
Matud ni Olavides, hangtud ning pagsibya, walay pay natalang namatay tungod sa bakuna. Ang ginalauman lamang human mabakunahan mao ang Adverse Events Following Immunization (AEFI) nga dili ra usab magdugay.
“So tanan nato cases, related to COVID-19, related to vaccination, gina-assess gyud na sa atong team. As of date, there is no release of any official nga tungod sa bakuna ang cause sa ilahang death,” tataw ni Olavides.
Padayong giawhag sa DOH-XI ang katawhan nga magpabakuna na ug magpa-booster aron maprotektahan ang kaugalingon batok COVID-19 ug dili maminaw sa fake news kabahin sa bakuna nga ginapakatag.
RadyoMaN Kirby Manzon
