Sa abiso sa DOH-XI, kinahanglang mag-igmat ang mga indibidwal sa maong sakit labi na kadtong risgo niini partikular na kadtong mga bata edad 5 anyos paubos lakip na ang infants, mga buntis ug mga tawo nga adunay human immunodeficiency virus – acquired immunodeficiency syndrome (HIV/AIDS).
Simtomas sa Malaria mao ang kalintura, pagpanakit sa ulo, ug pagpanugnaw diin kini sagad masinatian 10-15 ka adlaw human mapaakan sa infected nga lamok
Aron malikayan ang Malaria, giawhag ang publiko nga batasanon ang pagpanglimpyo sa palibot, paggamit og bed net kung daghan ang lamok, mag-spray og insecticide para sa lamok sulod sa balay, paggamit og insect repellent.
Ang Nobyembre gikonsiderang Malaria Awareness Month subay sa Proclamation No. 1168.
Nasayrang target sa DOH nga mapaubos og 90% ang incidence sa Malaria karong tuiga, 2022.
RadyoMaN Kirby Manzon
