Davao City – Padayon gihapong modawat og mga aplikante ang Department of Health (DOH-XI) alang sa mga health workers nga motabang sa kampanya sa gobyerno batok Coronavirus Disease 2019 (COVID-19).
Sa One Davao on COVID-19 Virtual Presser, gibutyag ni DOH-XI Assistant Regional Director Dr. Lenny Joy Rivera nga kasamtangan silang nagadawat og mga aplikante sa mga doktor samtang aduna na usay mga aplikante alang sa mga nurses nga i-assign sa mga Temporary Treatment and Monitoring Facilities (TTMFs) sa dakbayan.
“Meron pa rin po kaming hiring ngayon kasi may kulang pa rin po doon sa ibang health care workers like sa mga doctors, kulang pa rin ng mga applicants,” segun ni Rivera.
Samtang, nagpaabot na lamang usab sila sa himuong additional hiring subay sa bag-ong gipirmahan ni Presidente Rodrigo Duterte nga Bayanihan 2 law diin magbaton usab og emergency hiring sa mga health workers isip dugang personahe sa COVID-19 response sa gobyerno.
RadyoMaN Kirby Manzon
