Gibutyag ni Dr. Janis Olavides, DOH-XI Vaccination Team Head (sa interbyu sa city-owned radio), nga sa Davao Region, anaa pa lamang sa 351,000 ka mga indibidwal ang nahatagan sa booster shot o 8% pa lamang sa total target population karong tuiga, 2022 sa rehiyon onse.
Ang DOH-XI kauban ang Davao City COVID-19 Task Force padayong nag-awhag sa tanan nga magpabakuna ug magpa-booster aron mahatagan og proteksyon ang kaugalingon batok sa makatakod nga virus.
“Once fully vaccinated and you have already reached the three months minimum interval, please do access the booster doses. This is an additional protection against COVID,” sulti ni Olavides.
Gibutyag sa DOH-XI official, dako og kahimuan ang pagpabakuna aron mapaubos ang COVID-19 cases ug ang padayon ug istriktong pagtuman sa minimum public health standards batok COVID-19.
RadyoMaN Kirby Manzon
