DOH-XI: Lab results sa nCoV PUIs ipahibalo

Davao City – Gipaniguro sa Department of Health (DoH) nga ila dayong ipahibalo ang resulta sa sample gikan sa mga persons under investigation (PUIs) dinhi sa Davao region gumikan sa 2019 novel Coronavirus (nCoV) acute respiratory disease (ARD).

Sa media forum sa DoH-XI, gibutyag ni Dr. Lenny Joy Johnson-Rivera, DoH-XI Assistant Regional Director, nga ilaha kining i-anunsyo sa publiko apan sa pagkakaron, dili una nila i-disclose ang identity sa mga PUIs labi na nga dili pa confirm ang nahisgutan sa nCoV.

“If ever we will have the result of the laboratory, dini-disclose naman, like sinasabi naman ni secretary kung talaga ‘yung gender, ‘yung age,” saysay ni Rivera.


Una nang gibutyag sa health official nga anaa sa upat ka PUIs ang gina-imbestigahan karon sa Davao region diin 16-anyos ang pinakabag-ong PUI nga miabot gikan Hong Kong niadtong adlawng Dominggo, Pebrero 2, 2020.

Samtang, sa latest update sa DoH national karong adlawa, Pebrero 5, 2020 anaa na sa siyam ang PUIs sa Davao region.

RadyoMaN Kirby Manzon

Facebook Comments