Davao City – Giklaro sa Department of Health Region XI nga walay mga nausik nga mga bakuna dinhi sa Davao Region.
Matud ni Dr. Rachel Joy Pasion, DOH XI Regional Epidemiology Surveillance Unit head nga walay kamatuoran nga adunay mga na-expire nga mga bakuna tungod kay wala kini gipanggamit.
Segun sa opisyal ang mga wala gigamit mao kadtong adunay mga depekto sama sa broken vials o manufacturer defects.
“It’s not true na mayroon po tayong wastage it’s because hindi nagamit at na-expire na lang po siya. No expired vaccines po tayo, ang sa atin iyong mga bakuna na nakitaan na may mga defects iyon po ang mga wastage natin,” sumala niini.
Gitin-aw usab sa DOH XI, adunay mga vaccines nga nakitaa’g black particles tungod kini sa mga rubber sa vials.
Gibutyag ni Pasion, hugot nga nagmonitor ang DOH XI ug koordinasyon sa mga Local Government Units (LGU) nga ma-prioritize dayon una pa moabot ang expiration date sa mga bakuna nga mahatag na kini sa mga tawo.
Sa August 30, 2021 nga report sa DOH XI, 2.4M na ang total vaccines nga nadawat sa Davao Region ug 1.9M ang na-distribute sa nagkadaiyang Probinsya ug syudad, samtang 626, 182 ang fully vaccinated nga mga indibidwal.
RadyoMaN Aimee Guinita
