Atol sa Department of Health (DOH-XI) Virtual Presser kagahapong adlawa (Enero 2o, 2022), gibutyag ni Dr. Rachel Joy Pasion, Unit Head, Regional Epidemiology and Surveillance Unit sa DOH-XI, ginasuta karon kung asa naggikan ang infection ilabina sa duha (2) ka local cases nga taga Davao Occidental nga walay history sa international travel.
“They will just do a thorough contact tracing lalo na po ngayon because this is the first Omicron local cases that we are having. So, they will check kung ano po ‘yung source ng infection,” matud ni Pasion.
Gibutyag ni Pasion, ang protocols sa Omicron case mao ang pagsigurong daling ma-isolate ang pasyente. Kinahanglan usab nga magbaton og negative repeat RT-PCR (reverse transcription-polymerase chain reaction (RT-PCR) ayha makagawas ang pasyente, ug ang pagpahigayon og contact tracing.
Hinuon, gibutyag sa health official nga nakarekober na ang 5 ka kaso Omicron variant nga gilangkuban sa musunod:
1 kaso: 23-anyos nga lalaki nga taga Davao del Sur, nga usa ka Returning Overseas Filipino (ROF).
Ika-2 nga kaso: 27-anyos nga babae nga taga Davao City ug ROF nga miabot gikan Singapore (fully vaccinated).
Ika-3 nga kaso: 44-anyos nga lalaki nga taga Davao del Norte ug ROF gikan United Kingdom (fully vaccinated).
Ika-4 nga kaso: 28-anyos nga babae nga taga Davao Occidental, fully vaccinated ug walay history sa international travel.
Ika-5 nga kaso: 63-anyos nga lalaki nga taga Davao Occidental, fully vaccinated ug walay history sa international travel.
Samtang, gipasabot sa DOH-XI nga adunay pagkadelatar sa resulta sa mga samples diin Disyembre 2021 pa kini nakolekta. Kini gumikan kay ginapadala pa ang samples sa University of the Philippines- Philippine Genome Center (UP-PGC) alang sa himuong Whole Genome Sequencing (WGS).
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
