Davao City – Nagkaubos na ang Coronavirus Disease 2019 (COVID-19) cases sa Davao Occidental diin kasamtangan kining nabutang sa COVID-19 Alert Level 4.
Atol sa Usapang Pangkalusugan, Department of Health (DOH)-XI Virtual Presser, gibutyag ni Dr. Raquel Montejo, Head sa Local Health Support Division sa DOH-XI, nga adunay mga criteria nga angay tan-awon aron mapaubos ang alert level sa usa ka lokalidad.
Matud ni Montejo, kinahanglang nga adunay pag-ubos sa kaso sa COVID-19 diin kinahanglang negatibo ang 2-week growth rates (TWGR) ug average daily attack rate (ADAR).
Kinhanglang usab nga anaa na sa low to moderate ang bed capacity sa COVID-19 cases sa lugar ug wala na sa kritical nga sitwasyon.
Nag-laum ang health official nga moubos ang alert level sa Davao Occidental kung sila pasado na sa maong mga basehan.
“Sa trend karon, nagbaba na ang (Davao) Occidental. So hopefully, from Alert Level 4, ma-reclassify na siya sa mas lower nga alert level which is Alert Level 3 or 2,” matud ni Montejo.
Sa November 15, 2021, gikatakdang magbaton og bag-o o updated nga Alert Level ang matag probinsya nga magdepende sa himuong assessment sa DOH.
RadyoMaN Kirby Manzon
