Tagum City – Nanguna ang Tagum City, Davao del Norte sa Davao Region sa pinakadaghang active ug new cases sa Coronavirus Disease 2019 (COVID-19).
Gibutyag ni Dra. Raquel D. Montejo, Department of Health (DOH-XI) Local Health Support Division Chief, sa July 3, 2021 nga datus, adunay 1,266 ka mga aktibong kaso ug 342 ka mga bag-ong kaso.
“For Davao del Norte, usually ang nakikita natin within the workplace nakukuha nila iyong cases or infection nila,” matud niini.
Samtang, ikaduha sa pinakadaghang aktibong kaso sa rehiyon, ang Buhangin District, 632 ka mga kaso, gisundan sa Digos City, 524 cases, Talomo North, 485, Talomo South, 429, Talomo Central, 427, Agdao District, 365, Sasa District, 348, Panabo City, 329 ug District B 289.
Subay niini, sa July 4, 2021 month case count, 44, 734 na ang naigo sa COVID-19 sa Davao Region diin sukad Marso hangtud Disyembre 2020 mokabat sa 12, 589 ang kinatibuk-ang natala nga kaso ug Enero hangtod Hulyo 4, 2021 mosumada sa 32,145 ang kaso sa COVID-19.
RadyoMaN Aimee Guinita
