Davao City – Dul-an 10, 000 ang active cases sa COVID-19 sa Davao Region subay sa June 29, 2021 nga datus sa DOH Davao Center for Health Development.
Girekomendar ni Dra. Annabelle Yumang DOH XI Regional Director, sa tanang mga Local Government Units nga padaghanon pa ang mga Temporary Treatment and Monitoring Facilities (TTMFs) tungod sa daghang kasong natala sa rehiyon.
“Ang katong tanang mga makita maskin pa ma’g asymptomatic sila, mabutang sila sa mga isolation facilities. Kini ang atong ginarekomenda sa atong mga Local Government Units nga dugangan nila ang ilahang mga isolation or quarantine facilities,” sumala niini.
Panawagan ni Yumang nga pakusgan ug paspasan, ang contact tracing sa mga confirmed positive cases sulod sa 24 oras aron ma-quarantine gilayon ilabina ang mga adunay exposure sa pasyinte ug mapailawom sa RT-PCR testing aron mapugngan ang pagkuyanap sa COVID-19 sa komunidad.
Sa report sa DOH XI sa Critical Care Utilization Rate of all designated COVID-19 beds sa June 26, 2021, 94.4% na ang occupied sa 188 ICU beds kun 10 na lang ang bakante, samtang sa 710 Isolation beds, 254 na lang ang available kun 67.1% na ang occupied, samtang 76.9% nga occupied na ang ward beds kun sa 665, 139 na lang ang available ug sa 54 mechanical ventilators sa entero Davao Region aduna na lamang 16 nga available sa 54 sa ventilator o 71.4% ang na-utilized sa mga COVID-19 patients.
RadyoMaN Aimee Guinita
