Nagpagawas ug bag-ong listahan ang DOH Zamboang del norte mahitungod sa human immunodeficiency virus (HIV) ug Acquired immunodeficiency syndrome (AIDS) gikan kini enero hangtod niadtong bulan sa Mayo ning tuiga.
Gikan niadtong tuig 2008 adunay usa lang matag adlaw ang matala sa kaso sa HIV/AIDS apan karon nga tuig moaabot na ug 29 matag adlaw ang kaso sa HIV/AIDS nga matala.
Sa tibuok rehiyon IX sa pagkakaron adunay 506 nga kaso sa nahisgutan nga sakit samtang 300 kabuok anaa sa dakbayan sa Zamboanga
.
Samtang sa matag probinsya sa tibuok zamboanga peninsula, dinhi sa Zamboanga del norte adunay 78, Zamboanga del sur 366, Zamboanga City 284, ug ang Zamboanga Sibugay 40, suma total moabot kini ug 484 sa kaso sa HIV/AIDS.
Sa nahimong pagtuon sa department of health gituohan nga naggikan ang maong sakit tungod sa pagkighilawas sa lalaki sa lalaki ug pakighilawas sa lain-lain nga partner. Gani migawas usab nga mas daghan ang lalaki ang nagkasakit ug HIV/AIDS kumpara sa mga babaye.
Sa bag-ong tala sa DOH IX adunay 78 ka kaso sa HIV/AIDS sa nagkadaiyang lungsod sa Zamboanga del norte, ang mga mosunod mao ang; Baliguin 2, Dapitan City 6, Dipolog City 33, Jose Dalman 2, Katipunan 2, La Libertad 1, Labason 5, Liloy 9, Manukan 1, Polanco 3, Leon Postigo 1, Roxas 2, Rizal 1, Salug 2, Siayan 1, Sindangan 5, ug Siocon 3.
Nanawagan usab ang buhatan sa DOH nga magpa HIV/AIDS test aron masayran kung positibo o negatibo sa maong sakit nga makamatay.
