Zamboanga del Sur – Gipaklaro sa Department of Health (DOH) ug Provincial Health Office sa Zamboanga del Sur nga niagi sa tukmang proseso ang usa ka babaye gikan sa Beijing, China una nidangat -Tabina, Zamboanga del Sur nga niabot bag-ohay lang.
Sumala ni Wilfred Agtina, ang Provincial Disease Surveillance Officer, nisanong sa saktong medical protocol ug sa Bureau of Quarantine sa gobyerno mahitungod sa Novel Coronavirus sa pag-abot sa Pilipinas ang babaye nga giisip na karong person under monitoring (PUM).
Gidugang ni Agtina nga gikan sa Beijing, China si Vanessa Morcilla, taga-Purok Quarry, Brgy. Abong-Abong, Tabina, Zamboanga del Sur nga nibyahe kini gikan sa maong nasod niadtong Enero 31, 2020 ug niabot sa probinsya Pebrero 1 niining tuiga.
Dugang pagpaklaro ni Agtina nga walay gipakitang sintomas si Morcilla ug dili usab angay kabalak-an kay dili man kaayu apektado sa Novel Coronavirus Acute Respiratory Disease (2019-NCOV ARD) ang lugar sa Beijing.
Ning kasamtangan anaa na sa alert status ang probinsya ug nangandam alang maong gika-intapan nga kagaw bisan negatibo ang lalawigan sa (2019-NCOV ARD).
Gipahibalo ni Dr. Ramon Blancia ang head sa Integrated Provincial Health Office kun (IPHO) nga gi-aktibo usab nila ang Municipal Surveillance Officer sa matag munisipyo nga maoy gitahasan sa pagmonitor sa ilang lugar batok sa maong kagaw.
