EXTRA WOW BALITA – Isa ka neurosurgeon sa ginakabig “oldest and largest hospital” sa Kenya ang ginsuspender isa ka semana matapos ang insidente kon sa diin na-wow mali ini sa pasyente nga iya ginpaidalum sa brain surgery.
Una diri, duha ka lalaki ang gindala sa nasambit nga ospital sang nakaligad nga semana kon sa diin isa diri ang kinahanglan nga operahan sa utok agud makuha ang blood clot samtang ang isa naman ang kinahanglan lamang sang medikasyon sa nagabanog sini nga ulo.
Apang sa baylo nga ang pasyente nga may blood clot ang operahan, ang isa ka pasyente ang ila ginpaidalum sa operasyon.
Ginpahayag nga masobra na duha ka oras nga operasyon nila sa pasyente sang ila matalupangdan nga indi amo nga pasyente ang ila gina-operahan.
Bangud sini, gintahi nila balik ang gibuksan nila nga ulo sang pasyente kag gin-operahan ang matuod-tuod nga oloperahan sa ulo.
Apisar sang natabu, pareho nga nakasurvive ang duha ka pasyente apang sa pihak sini, suspendido ang tanan nga involve sa nasambit nga operasyon.// Photo from web
