DOLE 12 nagpirma ug pledge of commitment sa ChildFund Philippines sa pagresolba sa problema sa child labor

26

Mipirma ug pledge of commitment ang Department of Labor and Employment (DOLE) 12 pinaagi ni Regional Director Raymundo Agravante ug Assistant Regional Director Arlene Bisnon sa ChildFund Philippines isip supporta sa kampanya sa paghuman sa problema sa Child Labor sa rehiyon dungan sa World Day Against Child Labor niadtong Hunyo 12.

Nasayran nga ang ChildFund Philippines ang naga-implementar ug Building Capacity, Awareness, advocacy, ug Programs project.


Ang maong proyekto ang gipondohan sa United States Department of Labor (USDOL) nga nagtumong nga ayhagon pa ang Civil Society Organizations nga solusyunan ang child labor sa crop agriculture partikular sa banana, coconut, corn ug rice sectors sa probinsya sa Bukidnon, Davao del Norte ug Cotabato province.

Kalabutan niini ang DOLE ang may Child Labor Prevention and Elimination Program (CLPEP) nga nagtumong nga ma-address ang child labor.

Pahayag ni RD Agravante nga usa ang handom sa DOLE, ChildFund ug uban pang non-government organizations sa One Million Batang Malaya sa 2025.

Ang World Day against Child Labor (WDACL) ginaselebrar matag Hunyo 12 kung asa gihatagan pagtagad ang problema sa pagpang-abuso ug pagpabaya sa mga kabataan.



Facebook Comments