Sa ika-7 ka higayon gi-ila ang Department of Labor and Employment kon DOLE Bukidnon Provincial Field Office isip Best provincial Field Office sa rehiyon 10.
Sa interview sa RMN DXMB malaybalay ngadto kang Raul Valmores, ang provincial head sa DOLE-Bukidnon, gibutyag niini nga gideklara sila nga Best Provincial Office human nga nakakuha sila sa musunod nga mga award: highest referral award, highest placement award, employment coaching champion, single entry approach kon SENA champion, top achiever for project angel tree, Best TUPAD Implementer, E-job Fair Trabaho –Negosyo Kabuhayan Award, Highest Amount of monetary settlement under SENA ug uban pang pasidunggog nga ilang nadawat.
Dungan niin, mapasalamaton si Valmores sa mga local chief executive, Public Employement Service Office ug mga DOLE Accredited Co-partners sa ilang suporta sa buhatan sa DOLE-Bukidnon.
Tungod niini, gisiguro ni PD Valmores nga ipadayon nila ang ilang tahas aron masiguro ang kahapsay ug kalinaw sa industriya sa pagpanarbaho ug makab-ot ang ekonomikanhong kalambuan sa Bukidnon.
