Ginapahanumdom sang Department of Labor and Employment nga double pay ang mga empliyado sa private sector nga magatrabaho subong nga adlaw sang holiday.
Suno sa DOLE dapat magabaton sang 200% sang iya sweldo ang empliyado sa private sector nga magareport sa duty subong nga Bonifacio day nga isa ka regular holiday.
Sa Labor advisory no. 10 series of 2017 ginamando sang DOLE nga kun indi magtrabaho ang empliyado sa amo nga adlaw regular niya nga mabaton ang iya sweldo ukon ang daily rate plus COLA.
Kun nagtrabaho naman sya sa amo nga adlaw dapat double pay ukon daily rate plus COLA times 200%.
Kun may overtime may adugang nga 30% ang empliyado sa iya hourly rate.
Sa ti-on nga nagtrabaho ang empliyado sa amo nga adlaw nga iya day-off bayaran sya sang dugang nga 30% sang iya hourly rate.
(photo from web)
