Pagadian City – Malipayon nga nidawat sa ilang ayuda ang pipila ka mga katawhan sa lungsod sa Pitogo, Dimataling, San Miguel, Lapuyan, Vincenzo Sagun ug Margosatubig niining probinsya.
Nabulsa nila cash assistance nga P3,160. Kini ubos sa programa sa Department of Labror and Employment kun DOLE nga mao ang TUPAD ( Tulong Panghanapbuhay sa Ating Disadvantage and Displace Worker) nga giabagan usab provincial government sa Zamboanga del Sur diin personal nga gihatud sa tagsa-tagsa ka mga lungsod.
Halos 5,000 ka Food Packs ang gitunol sa kagamhanang lokal sa dakbayan sa Pagadian sa mga residente sa duha ka urban Barangay sa nga sakop sa syudad.
Ang ikaduhang wave sa pag-apod-apod sa relief goods nga gigahin niabot sa 4,900 Food Packs.
Ang maong Food packs nga gikan sa LGU Pagadian gilangkuban sa bugas, canned sardines, instant noodles, special bihon, 1 ka tibook manok, ug 1 usa ka pack sa Hotdog.
Ang makadawat sa maong ayuda ang Barangay Sto. Niño – nga niabot sa 2100 ka households ug 2,800 usab ka households sa Barangay San Pedro.
Gilauman nga ilibot kini sa nahisgutang mga Barangay aron matabangan ang mga lumulupyo sa maong Barangay nga naapekthokan sa implementasyon sa kwarantinas.
(Photo credit to Victory Zamboanga del Sur)
