TACLOBAN CITY – Magtitikang na an programa han Department of Labor and Employment (DOLE) kada summer season nga Special Program for Employment of Student (SPES).
Sumala kan DOLE Regional Director Joel Gonzales nga may sumatotal nga sobra P23-milyones an gin-alutaga para ha 6,588 nga slots han summer jobs nga gin-ooffer han mga tagsa-tagsa nga LGU, pribado nga mga sektor, ngan Government Agency nga DPWH.
Dugang pa han opisyal nga an sweldo kada adlaw han mga makaka-avail in naka basi na ha DBM salary grade han gobyerno nga P400/day tikang ha anay minimum wage.
Nadepende naman ha kategorya han LGU an magigin sharing nira ha DOLE ha paghatag hin sweldo.
An qualification ha mao nga summer in mga estudyante nga nag eedad 15 tubtob 30 anyos ngan may income an mga kag-anak nga diri masobra ha poverty threshold nga 127,000 kada tuig.
Pwede gihapon mag-apply an mga out of school youth pinaagi ha pagsumiter hin certification tikang ha MSWD o ha Barangay nga hira in OSY.
Pahimatngon naman han opisyal nga nadepende ha budget han mga LGU ngan pribado nga kompanya kun pira nga estudyante an makaka-avail han summer job ha ira tagsa-tagsa nga buhatan.
