Pagadian City – Walay ni usa ka aktibidad nga gi-andam ang Department of Labor and Employment kun DOLE-Zamboanga del Sur alang sa pag-obserba karung adlawa Mayo Uno sa Labor Day Celebration ubos sa temang “Pagpupugay sa Mangagawang Pilipino”.
Sumala ni Camelo Encila ang labaw sa DOLE-Zamboanga del Sur, walay gihan-ay nga aktibidad ang ilang buhatan karong adlawa gumikan sa nagkadool nga eleksyon ug aron malikay usab ang butahan nga mapiksan sa kainit sa politika sa probinsya.
Hinoon ilang gipasalig nga sunod bulan dunay mga kalihukan nga ilang gi-andam sama sa Job Fair karong Independence day, petsa dose sa bulan sa hunyo.
Gidugang ni Encila nga halos tanang probinsya sa rehiyon 9, walay gikasa nga aktibidad karong adlawa human silang gipatawag alang konperensya sa rehonal nga butahan.
Apan dunay JOB FAIR sa syudad sa Zamboanga partikyular sa KCC Mall de Zamboanga, sugod alas 9 karong buntag.
