Davao City – Kinahanglang mawala na ang panlantaw sa mga lalaki ug komunidad nga ang babaye ubos gihapon kung itandi sa lalaki.
Sumala ni Talikala Inc., usa ka non-government organization Executive Director Jeanette Ampog nga nagpakabana sa pagpangabuso sa mga kabataan ug kababainhan sa syudad, kinahanglang dawaton ang panlantaw nga ang babaye ug lalaki pantay lang.
Matud ni Ampog, mag-unsa man ang mga balaod nga nagprotekta sa kababainhan kung ang panlantaw sa mga bababye ubos gihapon kung itandi sa lalaki.
Tungod sa nahitabo sa usa ka asawa nga gipatay sa iyang bana pinaagi sa pagbunal og tubo sa ulo tungod sa away magtiayon, kinahanglang silutan subay sa balaud tungod kay kinabuhi ang iyang gikalas.
Gisugyot sa director sa Talikala Inc., aron malikayan kini kinahanglang dunay mga lakang nga himoon dili lamang sa taga-gobyerno kundi sa kinatibuk-ang komunidad.
RadyoMaN Bernard Pantallon
