Dipolog City – Gilungkab sa wala mailhi’ng mga kawatan ang donation box sa Holly Rosary Cathedral ning dakbyan sa Dipolog ug malampusong gilimas ang sulod nga donasyon.
Ang panghitabo nadiskobrihan ni Jony Etol, guwardiya sa Cathedral, pasado alas 3:00 sa kadlawon nga wala na sa nahimutangan ang donation box kon diin nakit-an nalang niini kilid sa stock room sulod sa compound sa maong simbahan nga abli ug wala nay sulod.
Matud pa sa maong guwardiya ang donation box gigaid kini sa haligi sa may artal kilid sa simbahan, hiniktan pa ug kadina, apan ang mga wala mailhi’ng mga kawatan nigamit ug gabas pothaw, gigabas ang kadina human gisakwat, gidala sa pipila metros ang gilay-on kilid sa stock room building didto gigabas ang kandado ug malampuson nalimas ang senselyo.
Sumala pa ang donation box kanunay ginahulogan ug kwarta sa mga kaigsuonan managkotay sa simbahan, ug swerting bagohay palang nahabwaan, adisir pa gilungkab kon diin gibanabana nga ang nakuha kapin sa usa ka libo ka pesos nga donasyon.
Sa karon dunay nay laraw ang simbahan nga estalaran ug CCTV camera ang sulod ug palibot sa simbahan aron makatabang sa seguridad sa katawhan ug mabantayan sab ang mga tawo mohimo ug pasipala sa maong simbahan.
Padayon sab ang kapolisan ning dakbayan sa follow-up nga imbistigasyon labot na sa timailhan sa mga kawatan. (-r.m-)
