Zamboanga City – Otro ya tambien incidente de quema el ya occuri pasao alas
ocho este noche, donde dos casa el ya man upud na mismo compound del
Philippine Red Cross locao na Pettit Barracks.
Asegun con el uno del maga duenio del casa nombrao como si Ana Marie Santa
Maria que solo solo el su marido ya queda na diila casa cuando ya occuri el
incidente que donde posible na linya ya tambien del corriente ya prinsipia
el fuego.
Dolorido el familia Santa Maria despues que nohay sila cosa ya puede salva
diila maga galamiton por causa bien lihero tambien ya man kalayat el fuego
siendo hecho este de light materials.
Durante el entrevista del RMN ZAMBOANGA con el investigador del Bureau of
Fire Protection si FO3 Jonathan Villapaz que alas 8:55 del noche ya recivi
sila el llamada aserca del quema y alas 9:05 ya declara fire out.
Na inicial investigacion, ya alcansa mas o menos 60 mil de pesos el
destroso del mencionao incidente.
