Zamboanga City- Dos residencia na sitio Agrarian na barangay Patalon el ya
quema endenantes pasao alas onse del aga.
Durante el entrevista del RMN ZAMBOANGA con el mismo duenio del casa si
Charlito Bulanon, 38 años de edad, casao , ele ya habla que possible na
linya del coriente ya prinisipia el fuego y siendo hecho de light materials
el su residencia ensiguidas ya man kalayat el fuego hasta ya man upud este
y ya man umid el residencia del su suegra .
Ensiguidas ya responde el maga bombero na lugar del incidente para apasigua
con el fuego y ya puede previni que man kalayat pa na otro sercanos
residencia.
Base na record del Bureau of Fire Protection aqui na ciudad, este ya el aka
10 incidente de quema ya sale registrao dentro na mes del Marso que donde
ya observa el que se llama “Fire Prevention Month”, pero asegun con el
District Fire Marshal district fire marshal, Supt. Jhufel M. Brañanola
que na 10 incidente, nueve el structural fire y uno el grass fire.
