El mga personajes del Sta.Maria Police Station 7 ta encavesa si Police Chief Inspector Rolly Juaquino ya fuede aresta ayer por la tarde con dos persona quien ilegalmente ta saca (50) sako de grava y arena na vicinidad del rio de Villa Sta. Maria.
Asegun con Juaquino,el aresto del dos suspechao ya bene desfues mismo el mga residentes na lugar el ya abisa con el policia aserca el ilegal actividad ta hace estos mga suspechao.
Insiguidas ya responde el otoridad y ya fuede alcansa con el mga suspechao que ta llena con el mga sako de grava y arena.
Con el dos persona ya pone na karsel del Sta.Maria police mientras hay planta canila caso por el violasyon del sand and gravel ordonance del ciudad.
Con el mga confiscao sako-sako de arena ya man turn-over na OCENR por el propio disposisyon.-Bhong Simbajon/RMN News
