Davao City – Gipusposan ug kahoy ang usa ka menor de edad nga construction worker alas 9:40 sa buntag sa City Hall ning dakbayan.
Basi sa blotter sa kapulisan San Pedro PNP, ang biktima naila sa usa ka Jomar Napoles, 17 anyos, taga Brgy. Sebolida Lupon, Davao Oriental, samtang ang suspetsado ginganlang Monjehar Esnari, 25 anyos, usa gihapon ka construction worker nagpuyo sa Purok 36 Panacan Valley ning siyudad.
Matud pa sa report, samtang nagtrabaho kining biktima ug suspetsado sa nasampit nga lugar isip mga construction workers, didto nagkalalis ug wala ka pugong sa kaugalingon ang suspek dayon nikuha ug usa ka dos por dos dayon gipusposan ang biktima resulta nga nakaangkon ug bun-og sa liog nga bahin.
Daling gitabang sa 911 ang biktima apan maayo nalang wala ma-grabehi maong gipangturn over sila sa San Pedro PNP.
Nangayo ug pasaylo ang suspek hinungdan naalegro ra sab ug di na mopasaka ug kaso ang biktima.
RadyoMaN Don Pulayao
