Davao City – Arestado ang dose ka mga wanted persons sa laing hugna na usab sa Joint Anti-Criminality and Terrorism Operations Plan kun Oplan Bulabog dinhi sa syudad sa Davao.
Base sa datos sa Davao City Police Office (DCPO), sa 1,495 ka mga residente nga gipailawum sa profiling kaniadtong adlawng Biyernes, Enero 19, dose niini ang mga nasikop nga dunay mga kaso nga mao sila Marlon Lumin Enoc sa kasong attempted murder, Patricio Lampadio Cullantes sa kasong serious physical injuries, Chan Ponteras Anunciado sa frustrated and attempted murder charges, Yvis Kim Hernane Amplayo, Roland Brix Rosales Eborde, ug Cedric B Cabillan sa kasong rape, Liza Astrologo, Jennifer Merculita Alamis, Milagros Jardena Costan ug Christopher Baltazar Gesta sa kasong illegal gambling samtang sikop usab sila Atancio Inodioan Dogcotanon ug Jerouslee Madulin sa kasong violence against women and their children.
Ang nasangpit nga mga dinakpan balhug na sa nagkadaiyang arresting police stations samtang gi-andam na ang mga dokumento aron sa pag endorso sa ilang tagsa-tagsa ka mga kaso nga ipasang-at ngadto sa korte.
Dugang impormasyon gikan sa datos nga 1,393 katawo ang dunay IDs samtang 102 niini ang wala.
Gipahigayon ang maong operasyon sa area sa Sitio Tinago, Brgy Ubalde, Agdao District, Purok Manggahan, Bucana, Brgy 76-A., Sitio Soriano Catalunan Grande, Jasa 1 and 2 Brgy Panacan, Dragon Compound Brgy. Buhangin, KM 24, Inabanga, Bunawan, Davao City, Muslim Village, Purok 18, Toril Poblcaion, Purok 3, St. Benedict Urban Poor, Tugbok Proper, Brgy Tugbok, Tugbok District, ug Lanzona Village, Davao City.
Nagsugod ang operasyon alas 6 sa buntag ug nahuman alas 9 sa buntag nga gipangunahan sa DCPO kauban ang uban pang security forces dinhi sa syudad sa Davao.
RadyoMaN Renz Barbarona
