Davao City – Mas halapad na karon ang operasyon sa Mobile Patrol Group ning syudad human pormal nga gi-turnover sa Republic of South Korea ngadto sa Davao City Police Office (DCPO) ang 12 ka mga Elantra Patrol Cars ug duha ka mga Starex Patrol Van atol sa flag raising ceremony karong adlawa, Nobyembre 19, gawas sa Davao City Hall.
Gani mapasalamaton si DCPO chief P/Sr. Supt. Alexander Tagum sa maong sponsorship sa Korean government ug gipaniguro nga madeploy ang mga bag-ong patrol cars sa tanang strategic areas ilawom sa dose ka mga presinto dinhi sa syudad.
Segun ni Tagum, magbaton kini og radio ingon man global positioning system (GPS) nga nakakonektar sa Central 911 aron muresponde kung adunay mga nanginahanglan og tabang gikan sa kapulisan.
“Mapapasok po sila sa patrol matrix ng mobile patrol groups so daily 24/7 they will be supervised kung saan sila pupwesto strategically in all areas in the city,” saysay niini.
Gikanayon niini nga karong semanaha mu-operate na ang maong mga patrol cars dinhi sa syudad.
Samtang sa interbyu kang Honorable Consul for the Korean Government Egdar Ang, parte ang dose ka mga sakyanan sa 100 ka mga patrol cars nga gitunol sa Korean government ilawom sa Korean National Police Agency ngadto sa Philippine National Police (PNP).
Dugang niini, ginaandam pa sab nila ang laing 100 ka mga patrol motorcycles nga posibleng itunol sa unang quarter sa tuig 2019.
RadyoMaN Jason Amisola
