General Santos City— gihangyo na sa lokal nga panggamhanan sa dakbayan ang Department Of Tourism 12 nga maoy maghupot sa Kalilangan 2018. Kini ang gibutyag ni City Councilor Shandee Llido-PestaƱo, chairperson nga Tourism Council.
Sumala niya nga aduna nay inisyal nga dialogue ang LGU uban ang DOT 12 apan wala pay pormal nga mga dokumento nga gipirmahan kung asa gipaklaro niini nga magpabiling kaabag sa DOT 12 ang Mindanao State University.
Pagpaklaro niini nga bisan ug ang Department Of Tourism ang magdala sa Kalingan 2018, ang mga personahe gihapon sa Mindanao State University maoy mutrabaho.
Dugang pamahayag ni Kagawad Shandee nga sa karon ga dili MSU ang magdala gumikan dili matud pa makaya sa ilahang schedule nga maapil ang Kalingan sa karon nga tuig.
Pag-angkon niya nga kulang gyud sa oras ang mamahimong preparsyon gumikan usa nalang ka bulan saulugon na ang kalilangan, apan kumpyansa siya nga kung ang mga samang personahe ang mutrabaho, wala siyaāy nakit-an nga mamahimong problema.
Pabilin usab nga anaa sa 4.5 million ka pesos ang gigahin nga pondo alang sa maong tinuig nga aktibidad samtang anaa gihapon ang mga institutionalize nga mga aktibidad sama sa street dancing ug uban pa.
