Davao City- Gipasidad-an sa Department of Tourism ang tanang mga tag-iya sa mga beach resorts nga atimanon ug seguraduhong limpyo ang ilang mga lugar aron dili kini mapareho sa Boracay.
Atol sa press briefing dinhi sa dakbayan sa Davao gibutyag ni Tourism Secretary Wanda Teo, magmonitor ang ilang buhatan sa mga resorts dinhi sa nasud.
“I received a text message from the office of Bong Go telling us that the President will issue a directive requiring all resorts now to have a water treatment facility, lahat all over the country hindi lang ang Boracay,” sumala ni Teo.
Segun sa opisyal buot sa kasamtangang administrasyon nga magpabiling limpyo ug luwas ang mga ginadayong lugar sa mga katawhan.
“Kami naman po we’re not just focusing on Boracay, lahat na po. Kasi natatakot na kami na baka iyong nangyari sa Boracay, mangyari sa Siargao, mangyari sa Coron, Cebu or Bohol kasi sayang naman po ang mga destinations na nakikila na all over the world kaya ayaw naming masira kaya tinutukan namin” matud ni Teo.
Gibutayag ni Teo subay sa direktiba ni Presidente Rodrigo Duterte nga temporaryong pasirad-an ang 57 sa 200 ka mga giidentipikang establisiemento sa Boracay tungod sa kalapasan sa environmental laws ug regulations.
Gitino ni Teo buot gayod mapreserba ang usa sa ginadayo ug iladong destinasyon sa Pilipinas, ang boracay para sa musunod pang mga henerasyon.
Temporaryong ipaundang usa ang operasyon sa pipila sa mga giidentipikang lugar aron resolbahon ang problema sa kahugaw sulod sa unom ka bulan nga deadline sa pangulo.
RadyoMaN Aimee Guinita
