Davao City – Gipaningkamutan sa Department of Tourism (DOT) nga hinay-hinay nga matabangan ang tourism industry nga apektado sa Coronavirus Disease 2019 (COVID-19) pandemic.
Atol sa One Davao on COVID-19 Virtual Presser, gibutyag ni Tanya Tan, DOT-XI Regional Director, nga aduna nay mga aksyon ug lakang nga ginahimo ang buhatan aron matabangan nga maka-rekober ang industriya sa turismo.
“A few weeks back nag pa work shop na kami sa DOT to come up with a social marketing campaign para makatulong din sa whole industry,” saysay ni Tan.
Nasayran nga aduna nay mga establisyemento nga nahatagan og certificate of authority to operate sa DOT diin oras nga balik-operasyon na sila, angay nga ipatuman sa nahisgutan ang minimum health and safety requirements batok sa COVID-19 sa ginatawag nga new normal.
Nasayran nga usa lamang ang turismo sa mga sektor nga labing naapektuhan sa COVID-19 pandemic.
RadyoMaN Kirby Manzon
