DoTr, pinagdedeploy ng marshals para matiyak ang pagsunod sa protocols sa mga bus at jeepneys

28

Umapela si Transportation Committee Chairman at Samar Rep. Edgar Mary Sarmiento sa Department of Transportation (DOTr) na mag-deploy ng mga marshals na magpapatupad ng safety at health protocols sa mga bus at jeepneys.

Partikular na hinihiling ni Sarmiento ang pagde-deploy ng public transportation marshals kay DoTr Sec. Arthur Tugade.


Naobserbahan ni Sarmiento na maraming mga bus at jeepneys ang sumosobra sa maximum capacity na itinatakda ng Inter-Agency Task Force (IATF) kung saan dikit-dikit na ang mga pasahero.

Bukod dito, walang ipinapatupad na temperature checks at wala ring contact tracing form o QR code reader/recorders sa mga pampublikong sasakyan na isa sa mga requirement ng IATF.

Nababahala si Sarmiento na ang mga pasaherong asymptomatic ay posibleng carrier at maging super-spreader pa ng COVID-19.

Giit ng kongresista sa mga drivers at operators na mahigpit na sumunod sa minimum health protocols dahil hanggat hindi nakakamit ang vaccination goals ay hindi pa muna dapat magpaka-kampante ang lahat.



Dagdag pa ng mambabatas, ang pagtatalaga ng public transportation marshal ay makapagbibigay ng trabaho sa mga nawalan ng hanapbuhay ngayong pandemya.


Facebook Comments