Davao City – Magpatuman og double shifting sa klase alang sa kapin usa ka libo ka mga estudyante ang pamunuan sa Department of Education Davao Region sugod karong adlaw’ng Lunes.
Kini ang gikumpirma ni Deped 11 Spokesperson Dodong Atillo nga doblehon ang shifting sa klase aron maakumudar ang pagtuon sa kapin usa ka libo ka mga estudyante nga apektado sa sunog.
Gibutyag ni Atillo nga temporaryo gamiton ang conference room, gym ug science building sa eskwelahan alang sa klase sa mga estudyante human gilamoy ang ilang mga rooms sa sunog kagabii.
Gimando ni Davao City District Superintendent Dr.Ines Asuncion ngadto sa principal sa E.Bustamante Central Elementary School ang paghan-ay og ka schedule sa klase alang sa apektadong mga estduyante.
Sugod sa adlaw’ng Lunes sa buntag ang grade two ang magklase ug sa hapon ang grade 3 ang magklase.
Nataho na sa Deped Central Engineering department ang insidente apan hayan madugayan pa ang pagtukod sa nasunog nga mga rooms sa tulonghaan gumikan sa agian nga mga proseso.
Si Dr.Ines Asuncion mitambag ngadto sa mga magtutudlo nga likayan ang paggamit og de kuryente nga mga gamit sulod sa ilang mga rooms aron malikayan ang pagsunog sa ilang tulonghaan.
RadyoMaN Joel Viray
