Davao City – Mamahimong makarga ang bana ug mga anak isip dependents sa usa ka indigent member.
Kini ang giklaro ni Kleah Dublin-Guevarra sa Philhealth Davao atol sa tulumanong Serbisyong Straight to the Point uban si RadyoMaN Misel Miral-Galve.
Sumala ni Guevarra nga ang tumong sa indigent program mao ang makarga ang spouse ug mga anak sa miyembro aron maka-avail usab sa mga benepisyo.
Matud pa nga wala nay kinahanglan bayaran apan kinahanglan lang ipakita ang mga balidong dokumento sama sa marriage contract.
Sa pikas bahin, posible usab ang double status sa usa ka miyembro sa Philhealth.
Matud ni Guevarra nga dunay panahon nga og magkatrabaho na ang usa ka indigent member, kinahanglan niya bayaran ang philhealth isip usa ka empleyado apan og hisgutan ang benepisyo, maka-avail kini sa mga benepisyo isip indigent member sama sa no balance billing program.
RadyoMaN Renz Barbarona
