Roxas City, Capiz- Nagpatigayon sang ocular inspection ang DPWH 1st Engineering District sa wala gihapon matapos nga gina-construct nga dalan sa Brgy Dayao, Roxas City. Nahibaluan kay Engineer Julius Abela, hepe sang Construction Division sang DPWH 1st Engineering District nga Disyembre 24, 2019 ang orihinal nga target completion date sang nasambitan nga proyekto apang may yara sang nakuha nga savings balor P2, 000, 000 pesos kabangdanan nga nag-obra sila sang variation agud nga mabalik sa proyekto ang pondo. Ini ang may yara sang kabug-osan nga pondo nga nagalab-ot sa P19, 000, 000 pesos kag ginpondohan sa idalom sang talatapan ni 1st district Congressman Emmanual “Tawi” Billones Sr. Matapos ang inspection bangud man sa mga reklamo sang aksidente sa lugar, ginmando na sang DPWH sa contrator nga J. Arabia Platinum Construction nga tapuson na subong nga semana ang nasambitan nga proyekto. Mahibaluan nga madamo na sang reklamo angut sa nasambitan nga dalan kun sa diin ginatunaan sang aksidente.
