DPWH District Engr. Henry Marapao tagmando an pagdugang nan Warning Signages Sa Brgy. Lipata, Surigao City

DPWH District Engr. Henry Marapao tagmando an pagdugang nan Warning Signages Sa Nadaut na Road Shouldering Sa Brgy. Lipata, Surigao City Ini human na nadaut an bahin sa dayan pasingod sa Lipata Ferry Terminal lakip an reklamo ni City Councilor Rise Faith Recabo na hapit sila mahuyog sa bangin adton Biyernes resulta sa wayay mga sakto na signages ug ngitngit an dapit. Tagtudlo ni Engr. Marapao na daan naka-schedule an pagdajaw sa amo na road shouldering na nadaut epekto sa linog adton Pebrero 10. May tagsugdan na sa ubos na bahin sa Slope Protection. Gawas sa pagdugang sa Warning Signages, tagdili na an pag-istambay nan mga cargo trucks didto ug an pagpahimutang nan team na 24 oras na magbantay sa dayagan sa trapiko.