Davao City- Arestado sa drug buy bust operation ang upat ka mga drug pusher atol sa gilusad nga buy bust operation sa duhaka police station sa Davao City.
Sa Sta Ana PNP nadakpan mao sila sila Carlo Sienes 44 anyos residenti sa Brgy36-D,Lea Mae Bodadong 34 anyos,nagpuyo sa Magallanes St.Brgy2-A,ug Erick Necart 33 anyos taga Manggahan Toril ning dakbayan.
Matud pa napalitan sa kapulisan ang mga suspek og usa ka sachet sa gituohang shabu kambyo ang P500.00 buy bust money.Narekober ang laing unom ka paketeng shabu nga mokantidad og P3,500.00 ug mga drugs paraphernalia.
Samtang nasikop sa awtoridad ang laing drug pusher sa Talomo PNP human nagpositibo nga nagapamaligya og shabu ang usa ka DPWH nailang Jovanni Pardillo, 27 anyos residente sa Box Dumalag 1, Matina ning siyudad human napalitan sa kapulisan og usa ka sachet nga shabu apan wa ka bantay nga ang iyang gikatransak mga sakop sa kapulisan resulta sa pagkasikop niini.
Gikonsidera sa kapulisan nga high value target ang mga pusher ug gihikay na sa mga police ang kasong kalapasan sa R.A 9165 (Comprehensive Dangerous Drugs Act of 2002) batok sa mga dinakpan. Ang tulo ka mga suspek balhug na sa kapulisan Sta Ana samtang si Pardillo priso na sa Talomo PNP.
RadyoMan Don Pulayao
