Davao City- Nagpadayon ang mga proyekto sa Department of Public Works and Highways (DPWH) XI sa pagtabang sa problema sa nasinatiang pagbaha sa dakbayan ilabina sa Jade Valley.
Sa interbyu sa RMN Davao kang DPWH XI spokesperson Dean Ortiz, gipaningkamutan nga mahuman karong tuiga ang ginatrabahong P50M nga proyekto alang sa pumping stations sa maong subdivision.
“On going ang pag-improve nato sa drainage channel sa sulod sa maong subdivision kini atong gibuhat aron atong fully ma-utilize atong pumping station nga nakumpleto nato niadtong miaging tuig,” sumala ni Ortiz.
Samtang, segun ni Ortiz ang P100-M river revetment project sa taas nga bahin sa Jade Valley target usab nga mahuman sa Disyembre 2022, adunay gina-install nga gabions ug construction sa ripraps nga tumong sa pagpugong mga makasulod ang tubig gikan sa Davao River ngadto sa community.
RadyoMaN Aimee Guinita
