DPWH mipatuman na og one way traffic scheme sa barangay Tambacan

Gipatuman na sa Department of Public Works and Highways o (DPWH) ang one way traffic scheme diha sa Tambacan Highway ning syudad.  

Sumala ni Mr. Bong Labial, tigpamaba sa DPWH-Lanao del Norte District II nga mulungtad og 25 ka adlaw ang maong one way traffic nga gipatuman aron mapadali ang reblocking project sa maong dapit.  

Gumikan niini, dili na mamahimong makasulod ang tanang matang sa mga sakyanan gikan sa karaan nga Traffic Light sa Brgy. Tubod pa-atubang sa Brgy. Tambacan gawas na lamang sa mga fish carrier truck nga modiskarga og isda sa Bagsakan.  


Samtang mga light vehicles lamang ang gitugutan nga moagi gikan sa Tambacan Bridge paatubang sa traffic light sa Tubod.  

Ang mga bus ug mga cargo trucks, ipaagi sa Mahayahay bridge pasulod ug pagawas sa sentrong bahin ning syudad.

Facebook Comments