Davao City – Aron gilayong ma-respondehan ang mga lugar nga maapektuhan sa kalamidad nagmugna usab ang Department of Public Works and Highways (DPWH) sa ilang Quick response team.
Sa interbyu sa DXDC RMN Davao kang Dean Ortiz, spokesperson sa DPWH-XI gibutyag niini nga adunay mga personahe ang DPWH sa matag distrito sa rehiyon aron marespondehan dayon ang unsa mang problema labi na kung maapektuhan ang mga imprastraktura.
“Kami sa DWPH naa mi gimugna nga quick response team. Sa matag distrito sa atong buhatan naa tay nakabutang didto nga mga personahe,” saysay ni Ortiz.
Kahinumduman nga sagunson nga nakasinati ang dakbayan og mga mga bagbaha tungod sa mga pag-ulan resulta usab sa dili maayong dagan sa panahon.
Misaka usab ang lebel sa tubig sa mga kasapaan rason nga nagpahigayon og preemptive evacuation ang otoridad sa mga residente aron kini maluwas sa peligro.
RadyoMaN Kirby Manzon
