Davao City – Target sa Department of Public Works and Highways (DPWH)-XI nga maablihan na sa ikaduhang quarter karong tuiga, 2023, ang portion sa Davao City coastal road sa Matina Aplaya.
Sa interbyu sa DXDC RMN Davao kang Dean Ortiz, tigpamaba sa DPWH-XI, naglaum kini nga makahatag og convenience sa mga motorista ug makatabang nga maluag-luagan ang trapiko sa dakbayan, oras nga ablihan na ang bahin sa Times Beach sa Matina Aplaya nga portion sa coastal road.
“Ma-expect nato nga medyo maluagluag na ang traffic diri banda sa south kay ang mga gikan sa Toril ug sa uban pa nga mga southern part sa city, pwede na muagi sa Bago tapos didto na sila mugawas sa Tulip Drive. Likod sa dako’ng mall,” sulti ni Ortiz.
Nasayrang anaa sa 18.5 kilometros ang kataas sa coastal road ug ang maong proyekto mukantidad og P19.8 billion.
RadyoMaN Kirby Manzon
Facebook Comments
