Sa interview sa DXDC RMN Davao kang Dean Ortiz, spokesperson sa DPWH-XI, iyang gisulti nga sa pagkakaron, aduna lamang ginaplastar partikular na ang mga area nga maapektuhan sa maong proyekto dinhi sa Davao City ug sa isla sa Samal.
“Actually, ang Samal-Davao bridge is ongoing gyud gihapon sya per se. Duna lamang syay suspension karon it’s because of road right-of-way issues pero ongoing na ang mga negotiation ana,” sulti ni Ortiz.
Matud ni Ortiz nga ang 10 ka properties sa Samal nga apektado sa proyekto nakuhaan na og writ of possession nga giisyu sa Regional Trial Court. Samtang nagapadayon usab ang negosasyon sa 55 properties sa Davao nga apektado sa proyekto diin pipila na kanila ang nakadawat og compensation.
Dugang sa DPWH-XI official nga nag-agad ra usab karon ang mga contractor sa resulta sa geotechnical investigation nga gisugdan sa miaging tuig, 2022.
Nasayrang pipila ka netizens ang nahadlok nga basin dili mahinayon ang Samal-Davao bridge human nga wala gipadayon sa national government ang pag-loan sa China alang sa Mindanao railway project.
RadyoMaN Kirby Manzon
